Испаниянинг «Атлетик» (Бильбао) клуби жамоа бош мураббийи Гаиска Гаритано билан хайрлашганини маълум қилди.
«Басклар»нинг матбуот хизматининг тарқатган хабарига қараганда, Гаритано билан бирга мураббийлар штабининг барча аъзолари тарк этган.
«Атлетик» Гаиска ва унинг ёрдамчиларига миннатдорчилик билдирадиди. Улар клуб учун бор имкониятларини ишга солди. Уларнинг келажакдаги ишларига омад тилаймиз», - дейилади клуб баёнотида.
Гаритано клубни 2018 йилдан бери бошқариб келаётганди.
Қайд этиш керакки, «Атлетик» бугун Ла Лига доирасида «Эльче» (1:0) устидан ғалаба қозонди.
