Италиянинг «Аталанта» клуби бош мураббийи Жан Пьеро Гасперини А Серия доирасида «Сассуоло» (5:1) устидан қўлга киритилган йирик ҳисобдан кейинги фикрлари билан ўртоқлашди.
«Бизда мағлубиятга учратиш қийин бўлган жамоа бор. Ноябрь ойида ҳимоя ва ҳужум ўртасидаги мувозанатни топишга ҳаракат қилдик, лекин нимадир ўхшамади, шу сабабли, турли хил усулларни қўллаб кўргандик. Ҳозир эса барчаси яхши ишлаяпти.
Диалло? Ўйлайманки, агар «Манчестер Юнайтед» уни бизга ижарага беришга қарор қилган бўлса, уни мавсум охиригача таркибимизда олиб қолишимиз керак», - деди Гасперини Sky Sport билан суҳбатда.
