Италиянинг «Милан» клуби А Серия доирасида «Беневенто» (2:0) жамоасини мағлубиятга учратди.
Ушбу ғалабадан сўнг, Стефано Пиоли қўл остидаги "Милан" ўтган мавсумни ҳисобга олганда, А Сериядаги мағлубиятсиз сериясини 27 тага етказиб олди. "Россонерлар" ўтказилган 27 та ўйиннинг 20 тасида ғалаба қозонди, 7 та учрашувда дуранг ўйнади.
«Милан» сўнгги марта ўтган йилнинг 8 март куни «Женоа» клубига 1:2 ҳисобида мағлубиятга учраганди.
«Россонерлар» кейинги ўйинни 6 январь куни «Сан-Сиро»да «Ювентус»га қарши ўтказади.
