Собиқ «Ливерпуль» ҳимоячиси Жейми Каррагер Англия кубогида иштирок этаётган «Марин» клубига моддий томондан ёрдам беришни режалаштирган.
Клуб узоқ давом этган пандемия сабабли мухлисларини майдонга кирита олмади ҳамда катта иқтисодий инқироз ёқасига келиб қолган. Натижада «Тоттенҳем» билан кечадиган кубок ўйинида қатнаша олмаслиги мумкин.
Бироқ, Каррагер бундай бўлишини хоҳламади. У жамоанинг машғулот базасидаги айрим жиҳозлари ва стадион инфратузилмаси билан боғлиқ камчиликлар шунингдек, клуб спорт формасига оид харажатларни ўз шахсий даромадидан қопламоқчи.
Эслатиб ўтамиз, «Марин» ҳамда «Тоттенҳем» баҳси 10 январь санасида ўтказилиши режалаштирилган.
