Каталония клуби сафар ўйинларига автобусда боришни давом эттирмоқчи.
Клуб Ла Лиганинг ўтган турида «Уэска» майдонига етиб боришда самолётлар ўрнига махсус автобуслардан фойдаланган эди. Бу анча миқдорда ички иқтисодий базага фойда келтириши кўзда тутилган.
Иккала шаҳар оралиғидаги масофа 270 км ни ташкил этиб, бу 3 соатлик масофани ифодалайди. Жами ички харажатлар ҳисобланганда эса 30 минг евро миқдорида пул тежаб қолиш имконидан фойдаланилган. Энди клуб «Атлетик»ка қарши баҳс олдидан ҳам ушбу қарорни ўйлаб чиқмоқда.
Эслатиб ўтамиз, «кўк-анорранглилар» раҳбарияти оғир иқтисодий инқироз сабаб бунгача футболчилардан икки марта маошларини қисқартиришларини сўраган эди.
