Ҳуқуқий жиҳатдан Мадриднинг "Реал" клубига тегишли, айни пайтда фаолиятини ижара асосида Лондоннинг "Арсенал" клубида давом эттираётган Дани Себальос «канонирлар» билан шартномасини узайтириш ниятида эмаслигини айтиб ўтди.
«Бу ерда яна бир мавсум қоламанми? Йўқ, менинг режам бундай эмас. «Реал» таркибига қолишни хоҳлайман ва дунёнинг энг яхши жамоаси таркибига киришга ҳаракат қиламан. Ишонаманки, бир кун келиб «Реал»нинг муҳим футболчисига айланаман ва қўллаб-қувватлаганлиги учун мухлисларга миннатдорчилик билдираман», - деди Себальос Cadena SER билан суҳбатда.
Жорий мавсум Себальос "Арсенал" таркибида 15 та ўйин ўтказди ва битта голга ассистентлик қилди.
