Huquqiy jihatdan Madridning "Real" klubiga tegishli, ayni paytda faoliyatini ijara asosida Londonning "Arsenal" klubida davom ettirayotgan Dani Sebalyos «kanonirlar» bilan shartnomasini uzaytirish niyatida emasligini aytib o‘tdi.
«Bu yerda yana bir mavsum qolamanmi? Yo‘q, mening rejam bunday emas. «Real» tarkibiga qolishni xohlayman va dunyoning eng yaxshi jamoasi tarkibiga kirishga harakat qilaman. Ishonamanki, bir kun kelib «Real»ning muhim futbolchisiga aylanaman va qo‘llab-quvvatlaganligi uchun muxlislarga minnatdorchilik bildiraman», - dedi Sebalyos Cadena SER bilan suhbatda.
Joriy mavsum Sebalyos "Arsenal" tarkibida 15 ta o‘yin o‘tkazdi va bitta golga assistentlik qildi.
