«МЮ» бош мураббийи Оле Гуннар Сульшер ўз жамоасига қарата Клоппнинг айтган кинояларига жавоб қайтарди.
«Мен бошқалар учун пенальтиларни санаб юрмайман. Бунга вақтим ҳам йўқ. Бизнинг ҳолатимизни нега қолганлар муҳокама қилишига тушунишим қийин бўляпти.
Ўтган йили Англия кубогининг "Челси"га қарши ярим финалида биз пенальти тепишимизга тўғри келди. Лекин ҳакам буни кейинчалик бекор қилганди. Мен эса бу вазиятга эътироз билдирмаганман.
Кўпчилик бизни пенальтилар билан бирга тилга олишлари мени ранжитади. Бу бизга боғлиқ жараён эмас», - дейди Сульшер.
Эслатиб ўтамиз, бундан аввалроқ Клопп «МЮ»ни энг кўп пенальтиларни ижро этувчи клуб дея истеҳзо қилганди.
