Лондоннинг «Тоттенҳем» клуби кеча Англия Лига кубоги ярим финали доирасида «Брентфорд»ни таслим этганидан хабарингиз бор (2:0).
Учрашув охирлаб бораётган паллаларда мезбонлар аъзоси Пьер-Эмиль Хёйбьерг рақиб ўйинчиси билан тўқнашувда оёғидан жиддий жароҳат олди. Воқеадан сўнг учрашув бош ҳаками рақиб футболчисини майдондан четлатди.
Хёйбьерг шифокорлар кўмагидан сўнг ўйинга қайтмоқчи бўлганди, лекин Моуриньо бунга имкон бермади. Жароҳатнинг қанчалик жиддий экани ҳозирча маълум эмас.
Маълумот учун «Тоттенҳем» финалда Манчестер клублари ғолиби билан ўйнайди.
