Италиянинг «Аталанта» клуби бош мураббийи Жан Пьеро Гасперини А Серия доирасида «Парма» (3:0) клубига қарши бўлиб ўтган ўйиндан кейинги фикрлари билан ўртоқлашди.

«Ўзимизни жуда яхши ҳис қиляпмиз. Жамоа Италия чемпионатига тўғри муносабатда ёндошмоқда. Биз А Сериянинг қаҳрамони бўлмоқчимиз ва бор эътиборимизни ушбу мусобақага қаратганмиз.

Мен шу жамоада ўйнай оламанми? Ундай деб ўйламаган бўлардим, катта эҳтимол билан заҳира ўриндиғида қолиб кетган бўлардим.

Муриэлнинг тўққизинчи голи? У учун хурсандман, заҳирадан майдонга тушиб гол киритиш бўйича рекордларни такрорлаяпти. У ўз имкониятидан фойдаланмоқда», - Гасперинининг сўзларидан иқтибос келтирмоқда Sky Sport.