Яқин ўтмишнинг афсонавий футболчиси Кларенс Зеедорф россиялик UFC жангчиси Хабиб Нурмагомедов билан учрашди.
«Сен билан бирга вақт ўтказиш ёқимли бўлди, ҳақиқий афсона ва жентльмен. Отангиз Сизнинг спортдаги ва ҳаётдаги муваффақиятларингизни осмондан кузатиб турсин», - деб пост қолдирди Зеедорф ўзининг "Инстаграм"даги расмий саҳифасида.
Аввалроқ Хабиб Кларенс Зеедорф ўзининг ва отасининг севимли футболчиси бўлганлигини айтганди.
Ўз вақтида Зеедорф Нидерландия терма жамоасида, «Аякс», «Интер», «Реал» Мадрид ва «Милан» клубларида тўп сурган ва бир қатор совринларни қўлга киритган.
