Англиянинг "Вест Бромвич" сайтининг тарқатган маълумотига қараганда, "Вест Хэм"нинг 33 ёшли футболчиси Роберт Снодграсс "ВБ" клуби билан бир ярим йиллик шартнома имзолади.

Снодграсснинг трансферидан сўнг, «Вест Бромвич» бош мураббийи Сэм Эллардайс қуйидагича фикрларни билдириб ўтди: «У бизнинг жамоамизга тажриба қўшади. Робертнинг устунлик тарафи шундаки, у чап оёғида ўйнайди, бу жамоани мувозанатлаштиради. Снодграссни кийиниш хонасида жуда ажойиб эканлигини кўпчиликдан эшитдим – бу катта бонус».

Жорий мавсум Снодграсс «Вест Хэм» таркибида 6 та ўйинда майдонга тушди ва 2 та гол киритди.