Каталониянинг «Барселона» клуби бош мураббийи Рональд Куман жамоа ҳужумчиси Усмон Дембеле ҳақида фикр билдирди.

«Усмон бир неча йилдан бери жамоа таркибида, унинг жароҳат борасида омади чопмаган. Ҳозир у машғулотларда ажойиб иштирок этмоқда, жуда яхши жисмоний формада ва мен бундан қониқяпман. Умид қиламанки, кейинчалик ҳам шу руҳда давом этади.Дембеле менга футболчи сифатида ёқади, у Гризманн ва Мессилардан фарқ қилади. Усмон тез-тез курашларга қўшилади ва буни муваффақиятли бажаради, бундан ташқари, у икки қанотда ҳам бир хил тўп сура олади», - деди Куман Marca нашри билан суҳбатда.