Англиянинг «Манчестер Юнайтед» клуби бош мураббийи Оле-Гуннар Сульшер Амад Диаллони сотиб олинишига изоҳ берди.
«Диалло ҳозирча биз билан машғулот олиб бормади, сўнгги ҳужжатлар кеча имзоланди. Албатта, унинг таркибимизга қўшилганидан хурсандман, биз унга ўйин вақтини тақдим этамиз. Амадда катта умидлар борлигини биламан – бу тўғри, чунки у ажойиб футболчи саналади. У мослашиб олиши муҳим, биз уни шоштирмаймиз. Агар у биринчи машғулотдаёқ асосий таркиб учун мослигини исботлай олса, у ҳолда албатта, илк дақиқаларданоқ майдонга тушади», - Сульшернинг сўзларидан иқтибос келтирмоқда «манкунианликлар» расмий сайти.
