Мадриднинг «Реал» клуби бош мураббийи Зинедин Зидан Серхио Рамос билан боғлиқ вазият ҳақида фикр билдирди.
Маълумки, «Реал»нинг тирик афсонасини шартномаси якунига етиб бормоқда. Серхионинг «бланкослар» билан амалдаги шартномаси 2021 йилнинг ёзигача мўлжалланган.
«Нима рўй беришини билмайман. Айни пайтда Серхио «Реал» футболчиси саналади. Биз бор эътиборимизни ҳозирги пайтга қаратганмиз. Футболда қачон нима рўй беришини ҳеч қачон билмайсан.
Табиийки, барчаси тезроқ якунига етишини хоҳлаймиз. Бу Лукас Васкес билан боғлику вазиятга ҳам тегишли», - деди Зидан.
