Хабарингиз бор, Месси "Атлетик"ка қарши ўйинда киритган голини бу мавсумда илк бор мана шундай юқори кайфиятда нишонлади. Мана шу суратда бугунги "Барселона" ва Мессининг нега клубдан кетмоқчи экани намоён бўлади.
Голнинг 95 % улуши Педрига тегишли. Педрининг ўша пайтдаги нозик ва дидли ҳаракати "Атлетик"нинг бутун бошли таркибини "музлатиб" қўйди. Эҳтимол, Мессининг ёдига ёшлик даврларидаги Роналдиньо, Хави, Иньеста, Суарес, Неймар, Педро каби маэстролар билан ўйнаган даврлари тушгандир. Ҳозирги "Барселона" ундай эмас. Қариб қолган Пике, Бускетс, "пишиб етилмаган" Дембеле, Дест, олдинги клубидаги ҳайбатидан сояси қолган Гризманн, Коутиньо, Суареснинг "муносиб ўринбосари" Брейтвейт, "қовун туширишда бардавом" Ленгле, Умтитилар унинг даражаси эмас. Бунинг барчаси бошқарув тизимидаги муаммолар оқибатидир. Кетиш кайфиятига тушган, ҳафсаласиз Мессига Педрининг кечаги ҳаракати ёшлик даврлари ва у билан елкама-елка ўйнаган шерикларини ёдига солган бўлса эҳтимол. Ва Лео ўша йиллардаги иштиёқли ва "ўзга сайёралик"ка айланди.
Месси олдида икки йўл: жамоада қолиб, Фати, Педри, Де Йонг каби жавоҳирлар билан натижа қилиш ёки мана шундай носталгияларни баъзида эслаб, мавсум якунида клуб билан хайрлашиш.
Нима бўлсаям Лео "Барселона"ни супер клубдан космик даражага олиб чиқди. Бу учун ҳурматга ло
