Лондоннинг «Тоттенхэм» клуби бош мураббийи Жозе Моуриньо жамоа футболчиси Деле Аллининг Англия Кубоги 1/32 финал доирасида «Марин» (5:0) жамоасига қарши учрашувда кўрсатган ўйинига баҳо берди.
«Унинг бугунги кўрсатган ўйини менга жуда ёқди. Албатта, бир нечта вазиятларда у бироз эҳтиёткорлик билан ҳаракат қилди. Бундай майдонда футболчилар ўз ижодларини максимал даражада кўрсата олишмайди. Алли ва Жедсон бугун ажойиб динамикани намойиш этишди.
Албатта, бу баҳс Аллининг даражаси тўғрисида хулоса чиқариш учун мос келмайди, лекин унинг ўйинга бўлган муносабати мени қувонтирди, шундай экан, агар Деле жамоанинг яқин ўйинларида асосий таркибда майдонга тушса ҳайрон бўлманг», - деди Моуриньо BBC билан суҳбатда.
