Англиянинг «Лидс» клуби "ПСЖ" ярим ҳимоячиси Юлиан Дракслерни ўз сафига қўшиб олмоқчи. Бу ҳақда Англия матбуоти хабар тарқатмоқда.

Манбанинг ёзишига қараганда, «Лидс» раҳбарияти ҳақиқатдан ҳам ушбу битимни амалга оширишга қизиқишмоқда. Бироқ, футболчи учун белгиланган катта миқдордаги товон пулини тўлай олмасликлари мумкин. Дракслернинг трансфери 35-40 миллион евро атрофида баҳоланмоқда. Шу сабабли, «Лидс» германиялик ярим ҳимоячини фақатгина ижарага олиши мумкин.

Дракслернинг "ПСЖ" билан амалдаги шартномаси шу йилнинг июнь ойида якунланади. У жорий мавсум 11 та ўйинда майдонга тушиб, 2 та гол киритди ва битта голли пасни амалга оширди.