Душанба куни Англия Премьер-лигаси тақвимида ўзгариш рўй берди. «Астон Вилла» - «Тоттенхэм» баҳси коронавирус сабабли бошқа муддатга қолдирилди. Шу сабабли, АПЛ раҳбарияти бу турда «Тоттенхэм» - «Фулхэм» жамоаларининг ўртасидаги қолдирилган ўйинни ўтказиб юборишни маъқул кўришди.
Ўз навбатида бу қарорга «Фулхэм» устози Скотт Паркер норозилик билдирди. Жозе Моуриньо эса унинг норозилигини тушунмади.
«Фулхэм» ўйинга икки кун қолганида огоҳлантирилди? Жиддий айтяпсизми? Уларнинг ҳисобида ўйинга тайёргарлик кўриш учун 48 соат вақт бор. Менга эса уларга қарши ўйиннинг бошланишига икки соат қолганида айтишганди», - деди Моуриньо матбуот анжуманида.
