Германиянинг «Лейпциг» клуби ҳимоячиси Дайот Упамекано ҳозирча бир қанча жамоаларнинг қизиқиш марказида бўлиб турибди.
Уларнинг орасида футболчи учун асосий даъвогар сифатида «Бавария» айтилмоқда.
TZ нинг маълум қилишича, «қизиллар» Дайотнинг трансферини амалга оширишга жуда яқин келмоқда. Манба 22 ёшли футболчининг нархини 42 миллионга баҳоламоқда.
Бундан аввалроқ, унга «Реал», «Ман Сити» ҳамда «Ман Юнайтед» клублари ҳам қизиқиш билдираётгани айтилган эди.
Маълумот учун жорий мавсум Упамекано 21 учрашувда майдонга тушган.
