Янги йил олдидан тартиб-интизом қўмитасининг 2011 йилдаги якуний мажлиси бўлиб ўтди. Унга кўра сўнгги турда қоидабузарликларга йўл қўйган футболчиларга жазо чоралари кўрилди.
ОЛИЙ ЛИГА
"Олмалиқ" ҳужумчиси Александр Востриков "Пахтакор"га қарши 25-тур ўйинида тўпга эгалик қилмаган рақиби оёғига қасддан зарба бергани учун майдондан четлатилган. Унга 3 ўйинлик дисквалификация жорий қилинди ва жарима солинди.
"Нефтчи" ҳужумчиси Анвар Бердиев "Металлург"га қарши 25-тур учрашувида рақибини қўли билан ургани учун 3 ўйинга дисквалификация қилинган ва жарима солинган.
"Пахтакор" ҳужумчиси Фарҳод Тожиев "Насаф"га қарши 24-тур ўйинида тажовузкор хатти-ҳаракатлари учун майдондан четлатилган. Унга 2 ўйинлик дисквалифиакация жорий қилинган ва жарима солинган.
"Насаф" ярим ҳимоячиси Фозил Мусаев "Пахтакор"га қарши 24-тур ўйинида тажовузкор хатти-ҳаракатлари учун майдондан четлатилган. Унга 3 ўйинлик дисквалифиакация жорий қилинган ва жарима солинган.
ЁШЛАР БИРИНЧИЛИГИ
"Динамо" ҳужумчиси Виктор Клишин "Бухоро"га қарши 25-тур ўйинида бош ҳакамни ҳақорат қилгани учун 3 ўйинга дисквалификация қилинди.
"Навбаҳор" ярим ҳимоячиси Элмурод Сотиболдиев "Металлург"га қарши 26-тур ўйинида рақибини қўли билан ургани учун майдондан четлатилган. У 3 ўйинга дисквалификация қилинди.
"Насаф" ҳужумчиси Азиз Маликов "Андижон"га қарши 26-тур ўйинида тажовузкор хатти-ҳаракати учун майдондан четлатилган. Шу боис у 3 ўйинга дисквалификация қилинди.
"Андижон" ҳимоячиси Жўрабек Ёқубов "Насаф"га қарши 26-тур ўйинида тажовузкор хатти-ҳаракати учун майдондан четлатилган. У 2 ўйинга дисквалификация қилинди.
"Қизилқум" ярим ҳимоячиси Хуршид Шодиев "Пахтакор"га қарши 26-тур ўйинида рақибини қасддан тепгани учун майдондан четлатилган. У 3 ўйинга дисквалификация қилинган.
"Пахтакор" мураббийи Нўъмон Ҳасанов "Қизилқум"га қарпши 26-тур учрашуви якунлангач бош ҳакамни ҳақорат қилган ва унга қизил карточка кўрсатилган. Унга огоҳлантириш ва жарима жорий этилди.
БИРИНЧИ ЛИГА
"Хоразм" ярим ҳимоячиси Анвар Абдуқодиров "Янгиер"га қарши иккинчи босқич 14-тур учрашувида ётган рақибини қўли билан ургани учун майдондан четлатилган. У 5 ўйинга дисквалификация қилинди.
"Оқтепа" дарвозабони Искандар Мўминов "Хива"га қарши иккинчи босқич 15-тур учрашувида ўз жамоадошини ҳақорат қилгани учун майдондан четлатилган. У 2 ўйинга дисквалификация қилинди.
"Бунёдкор" мураббийи Дмитрий Ким "Хоразм"га қарши иккинчи босқич 15-тур учрашувида бош ҳакам шаънига ҳақоратли сўзларни айтгани учун майдондан четлатилган. Унга жарима жорий этилди.
