«ПСЖ» бош мураббийи Маурисио Почеттино «Марсель» билан тўқнашувда жамоасининг ўйини ҳақида гапирди. «Қизил-кўклар» "Марсель" клубини 2:1 ҳисобида мағлуб этишди ва Франция Суперкубогини қўлга киритишди.
«Бу ҳали бошланиши. Биз шунчаки Кубок ютмадик. Ҳар бир учрашувда жамоа яхшиланиши ва мен сўраган нарсани бажариши муҳим. Мен "ПСЖ"га келганимга бор-йўғи икки ҳафта бўлди, аммо биз жуда зўр ишларни бажардик.
Умуман олганда, менинг футболчиларим ғалабага лойиқ. Уларга ўйнаганликлари ва янги талабларга тезда ўрганиб қолганликлари учун миннатдорчилик билдирмоқчиман. Мен бутун жамоанинг ўйинидан жуда мамнунман. Биз ажойиб ўйин ўтказдик», - деди Почеттино.
