«ПСЖ» ҳужумчиси Неймар ва «Марсель» ҳимоячиси Альваро Гонсалеслар «Твиттер» ижтимоий тармоғи орқали Франция Суперкубоги финалидан кейин "даҳанаки жанг" ўтказди. Ушбу баҳс 2:1 ҳисобида парижликларнинг ғалабаси билан якунланди.
Учрашув якунига етгач, Неймар ўзининг расмий саҳифаси орқали «Қирол, шундай эмасми, Альваро?» - деб ўз суратини жойлаб пост қолдирди. Ҳимоячи эса дарҳол бунга жавоб қилди: «Ота-онам ҳар доим аҳлатни ташлаб юбориш кераклиги ўргатишган».
Аввалроқ, ушбу жамоаларнинг Франция чемпионати доирасида бўлиб ўтган учрашувидан кейин ҳар икки футболчи ўртасидаги зиддият юзага келганди. Ўшанда Неймар Гонсалесни бошига зарба берганди, шу сабабли, майдондан четлатилганди. Бундан ташқари, футболчилар бир-бирларини +18 сўзлар билан "сийлашган".
