Айни пайтда эркин агент сифатида юрган бразилиялик ҳужумчи Алешандре Пато «Милан»га қайтиш нияти борлигини яширмади.
«Фаолиятим давомида "Милан"да яхши хотираларим қолган. Жамоа таркибида 150 та учрашув ўтказиб, 63 та гол киритдик. Мамлакат чемпионлигини ва Кубогини қўлга киритдик. Бу клуб ҳамиша юрагимда қолади, "Милан"га қайтишни орзу қиламан. Мураббийнинг ишончини қозониш учун бир-иккита ўйин камлик қилди», - деди 31 ёшли футболчи Football-Italia билан суҳбатда.
Эслатиб ўтамиз, Пато «Милан» таркибида 2008йилдан 2013 йилгача тўп сурган. Алешандренинг сўнгги жамоаси бразилиянинг «Сан-Паулу» клуби бўлди.
