Англиянинг «Манчестер Юнайтед» клуби ярим ҳимоячиси Бруну Фернандеш АПЛда декабрь ойининг энг яхши футболчиси деб топилди.
Ўтган ойда португалиялик футболчи олтита учрашувда майдонга тушиб, учта гол киритди ва тўртта голга ассистентлик қилди.
«Бир ойда 3 та гол ва 4 та голга ассистентлик – яхши натижа. Гол киритаётганим ва жамоамга ёрдам бераётганимда хурсандман. Албатта, мен совринларни қўлга киритишни хоҳлайман. Тарихдан жой олаётганимдан хурсандман», - деди Фернандеш АПЛ матбуот хизматига.
Қайд этиш керакки, Бруну календарь йилида энг яхши футболчи совринини кетма-кет тўрт марта қўлга киритган биринчи футболчи сифатида АПЛ тарихидан жой олди.
