Angliyaning «Manchester Yunayted» klubi yarim himoyachisi Brunu Fernandesh APLda dekabr oyining eng yaxshi futbolchisi deb topildi.
O‘tgan oyda portugaliyalik futbolchi oltita uchrashuvda maydonga tushib, uchta gol kiritdi va to‘rtta golga assistentlik qildi.
«Bir oyda 3 ta gol va 4 ta golga assistentlik – yaxshi natija. Gol kiritayotganim va jamoamga yordam berayotganimda xursandman. Albatta, men sovrinlarni qo‘lga kiritishni xohlayman. Tarixdan joy olayotganimdan xursandman», - dedi Fernandesh APL matbuot xizmatiga.
Qayd etish kerakki, Brunu kalendar yilida eng yaxshi futbolchi sovrinini ketma-ket to‘rt marta qo‘lga kiritgan birinchi futbolchi sifatida APL tarixidan joy oldi.
