Франция терма жамоаси бош мураббийи Дидье Дешам Карим Бензема ҳақида фикр билдирди. Маъумки, Карим анчадан бери мамлакатнинг бош жамоасига чақирилмай қўйилган. Бензема Матье Вальбуэна билан боғлиқ вазият сабабли, «қора рўйхат»дан жой олган.
2016 йили Карим ирқчилик сабабли миллий терма жамоага чақирилмаётганлиги айтилганди.
«У ўз изини қолдирди. Орадан анча вақт ўтди, лекин мен буни унутолмайман. Гап фақат Бензема ҳақида эмас. Бошқа одамлардан менинг оилам азият чеккан ваҳшийликларга олиб келган бошқа баёнотлар ҳам бор. Чизиқ кесиб ўтилди. Мен унутолмайман ва буни ҳеч қачон унутмайман», - деди Дешам.
