«Милан» хорватиялик ҳужумчи Марио Манжукич билан деярли келишувга эришди. Томонлар айрим жиҳатларга ойдинлик киритиб олишлари керак, холос. Бу ҳақда италиялик журналист Николо Скира хабар тарқатди.
"Россонери" форвард билан жорий мавсум охирига қадар шартнома имзолайди. Манжукич «Милан»да қанча маош олиши ҳозирча аниқ эмас. Марио ўтган йилнинг ёзида Қатарнинг "Дуҳайл" клубини тарк этган эди. Шу боис у "Милан" сафига эркин агент сифатида қўшилади.