Хорватиялик форвард Марио Манджукич яқин орада «Милан» билан шартнома имзолаши кутилмоқда. Бу ҳақда журналист Николо Скира ўзининг твиттер саҳифасида хабар бермоқда.
Манбага кўра, 34 ёшли хорватиялик «россионерилар» билан ярим йиллик шартнома борасида келишиб олган. «Милан» вакиллари энди футболчининг агенти томонидан келишувнинг тасдиқланишини кутишмоқда.
Маълумот учун, Манджукич ўтган ёзда Қатарнинг «Ал Дуҳаил» клуби билан тузилган шартномасини бекор қилганидан кейин эркин агент мақомида.