Италия чемпионатининг 18-тури доирасида «Женоа» клуби Бергамо шаҳрида «Аталанта» клуби меҳмони бўлиб, муҳим бир очкони қўлга киритди.

Генуяликлар биринчи бўлимда кучли рақибга жиддий қаршилик кўрсатишди. Ҳаттоки Шомуродов "Аталанта" дарвозасини ишғол қилиш учун 2та имкониятга эга бўлди. Стротманнинг узатмасидан кейин Элдор тўпни кўкраги билан қайтарди ва жарима майдони чизиғи устидан зарба йўллади. Тўп шундоққина устун ёнидан ўтиб кетди.

Иккинчи вазиятда эса Шомуродов ўзи ҳужумни бошлади ва жарима майдонига интилди. Тўп эса ҳимоячилар орқали унинг йўлига келди. Ўзбекистонлик футболчининг зарбасидан сўнг тўпни Голлини оёқлари билан қайтариб қолди.

Гасперини жамоаси иккинчи бўлимда устунликни тўлалигича ўз томонида ушлаб турди. "Женоа" эса катта қийинчилик эвазига дурангни сақлаб қолди. Шомуродов баҳс охирига қадар майдонда ҳаракат қилди.  

Ушбу дурангдан сўнг "Женоа" ўз очколарини 15тага етказиб, жадвалда 16-ўринга кўтарилиб олди. "Аталанта" эса 32 очко билан 6-поғонада қолди.

Италия А серияси, 18-тур
Аталанта – Женоа 0:0 (0:0, 0:0)
Аталанта – Голлини, Гозенс, Толои, Гимшити, Хатебур (Мэле, 88), Иличич (Ламмерс, 88), Фройлер, Малиновский (Миранчук, 66), де Рон, Паломино, Сапата (Муриэль, 57).
Женоа – Перин, Дзаппакоста (Онгене, 80), Кришито, Масьелло (Гольданига, 56), Чиборра, Бадель, Радованович, Стротман (Бехрами, 56), Зайц (Лерагер, 46), Пьяца (Пандев, 68), Шомуродов.
Огоҳлантиришлар: Гольданига (72), Дзаппакоста (74), Гозенс (83).