Англиянинг «Манчестер Сити» устози Пеп Гвардиола АПЛ доирасида «Кристал Пэлас» (4:0) устидан қўлга киритилган ғалаба ҳақидаги фикрлари билан ўртоқлашди.
«Ҳаммаси футболчиларнинг савияси, фидойилиги ва ўйинга бўлган тўғри муносабати сабабли амалга ошри. Сўнгги икки мавсумда «Кристал Пэлас»ни ўз майдонимизда мағлубиятга учрата олмаётгандик. Бугун ажойиб ўйинни ўтказдик.
Мен ҳеч қандай хабар юборишни хоҳламайман. Чоршанба куни «Астон Вилла» билан ўйнаймиз. Ўйиндан ўйинга олдинга қараб қадам ташлашимиз керак. Бир неча ҳафат аввал «Ливерпул»дан ортда қолаётганди, кейин бир нечта ўйинларда ғалаба қозондик. Биз айнан шуни қилишимиз керак. Энди бир бокал яхши шароб ичаман, кейин эса «Астон Вилла» билан бўладиган ўйин ҳақида ўйлайман," – деди Гвардиола.
«Шаҳарликлар» АПЛда 2-ўринни эгаллаб туришибди ва «Ливерпул»ни бир очко ортда қолдиришмоқда. Қолаверса, «Манчестер Сити» ҳисобида битта захира ўйин бор.
