Миланликлар «Порту»нинг бразилиялик хавбеки Отавио ўйинларини диққат билан кузатиб бормоқда.

Goal нинг хабар беришича, «россонерилар» футболчини қишдаёқ ўз сафларига қўшиб олишни режалаштирмоқда. Отавионинг португал жамоасидаги шартномаси жорий йил ёзда якунига етади ва клуб ундан ортиқча фойда кўролмаслиги мумкин.

«Милан» футболчига 4 йиллик муддатга мўлжалланган битим таклиф қилмоқда. Унинг маоши 1,5 миллион атрофида бўлиши кўзда тутилган. Жорий мавсум 25 ёшли Отавио «Порту» сафида 20 та баҳсда майдонга тушди.