Milanliklar «Portu»ning braziliyalik xavbeki Otavio o‘yinlarini diqqat bilan kuzatib bormoqda.

Goal ning xabar berishicha, «rossonerilar» futbolchini qishdayoq o‘z saflariga qo‘shib olishni rejalashtirmoqda. Otavioning portugal jamoasidagi shartnomasi joriy yil yozda yakuniga yetadi va klub undan ortiqcha foyda ko‘rolmasligi mumkin.

«Milan» futbolchiga 4 yillik muddatga mo‘ljallangan bitim taklif qilmoqda. Uning maoshi 1,5 million atrofida bo‘lishi ko‘zda tutilgan. Joriy mavsum 25 yoshli Otavio «Portu» safida 20 ta bahsda maydonga tushdi.