Англиянинг «Манчестер Юнайтед» устози Оле-Гуннар Сульшер 18-тур доирасида «Фулхэм» (2:1) жамоасига қарши бўлиб ўтган ўйиндан кейинги фикрлари билан ўртоқлашди.
«Ўйинни суст бошладик, аммо гол ўтказиб юборгач ўйинимиз очилиб кетди. Голдан кейин "уйғонишимиз" керак эди ва шундан кейин яхши ўйнашни бошладик.
Погба ажойиб гол киритди. Ўйин тақдирини эртароқ ҳал қилиб қўйиш учун имкониятларга эга бўлдик. Табиийки, битта гол фарқ бўлганида албатта томоғингизни нимадир тиқилади.
Погба ҳақиқатдан ҳам ўзини кўрсатди. У ярим ҳимояда ҳам, қанотларда ҳам ажойиб ўйин намойиш эта олади, бу у учун жуда муҳимдир.
Албатта, ярим мавсум ортда қолганини, биз жадвалнинг юқори қисмида эканлигимизни ҳисобга олиб, АПЛ чемпионлиги учун имкониятларимиз ҳақида гапиришлари аниқ, аммо биз бу ҳақда ўйламаяпмиз. Ўйиндан ўйинга ривожланиб боришимиз керак. Бу олдиндан айтиб бўлмайдиган мавсум бўлмоқда», – деди Сульшер BT Sport билан суҳбатда.
