Angliyaning «Manchester Yunayted» ustozi Ole-Gunnar Sulsher 18-tur doirasida «Fulxem» (2:1) jamoasiga qarshi bo‘lib o‘tgan o‘yindan keyingi fikrlari bilan o‘rtoqlashdi.

«O‘yinni sust boshladik, ammo gol o‘tkazib yuborgach o‘yinimiz ochilib ketdi. Goldan keyin "uyg‘onishimiz" kerak edi va shundan keyin yaxshi o‘ynashni boshladik.

Pogba ajoyib gol kiritdi. O‘yin taqdirini ertaroq hal qilib qo‘yish uchun imkoniyatlarga ega bo‘ldik. Tabiiyki, bitta gol farq bo‘lganida albatta tomog‘ingizni nimadir tiqiladi.

Pogba haqiqatdan ham o‘zini ko‘rsatdi. U yarim himoyada ham, qanotlarda ham ajoyib o‘yin namoyish eta oladi, bu u uchun juda muhimdir.

Albatta, yarim mavsum ortda qolganini, biz jadvalning yuqori qismida ekanligimizni hisobga olib, APL chempionligi uchun imkoniyatlarimiz haqida gapirishlari aniq, ammo biz bu haqda o‘ylamayapmiz. O‘yindan o‘yinga rivojlanib borishimiz kerak. Bu oldindan aytib bo‘lmaydigan mavsum bo‘lmoqda», – dedi Sulsher BT Sport bilan suhbatda.