«Челси» бош мураббийи Франк Лэмпард жамоани тарк этса, Массимилиано Аллегри Лондон клубида иш бошлашга қизиқиш билдиради, деб хабар бермоқда Sky Sports.
Манбага кўра, «аристократлар» нинг амалдаги устози, агар жамоанинг кейинги ўйинлардаги натижалари яхшиланмаса, лавозимидан кетиши мумкин. Аввалроқ, германиялик мутахассис Томас Тухел номзоди ҳам маьлум қидинган эди.
Ўтказилган сўнгги учрашувда «Челси» сафарда «Лестер» га 0:2 ҳисобида имкониятни бой берган эди. Айни пайтда лондонликлар 29 очко билан жадвалнинг саккизинчи поғонасида боришмоқда. Лэмпард шогирдлари навбатдаги учрашувларни «Вулверҳемптон», «Бёрнли» ва «Тоттенҳем»га қарши ўтказишади.
Қайд этиш жоиз, Массимилиано Аллегри сўнгги клуби «Ювентус»дан 2019 йилда кетган эди.
