«Уфа» директорлар кенгаши раиси Ростислав Мурзагулов ярим ҳимоячи Остон Ўруновнинг «Спартак»даги фаолияти борасида ўз фикрини билдириб ўтди.

— Остон нима учун Москвада ўйнаб кета олмади?
— Шунчаки у эртароқ кетди. У эндигина бошқа мамлакатга, бошқа чемпионатга келганди. «Уфа»да бир нечта ўйинларни ўтказди. Футболчининг имкониятларини билмаган, Остонни машғулотда қандай ишлаётганини кўрмаган нотаниш мураббий унга дарҳол ишонч билдиришини кутиш — соддалик бўларди. Унга атиги 10 дақиқа ўйнаш имконияти берилишини кутгандим. Тахминан шундай бўлди ҳам. У ёш йигит, майдонга чиқади, улкан стадион, кўплаб мухлислар... Бунда кўп нарса руҳиятга ҳам боғлиқ. Унинг ўйнаб кетиши қийин кечишини билардим. Лекин у ўзини синаб кўрди. Унинг келажаги яхши. Унинг ўрнида бўлганимда "Уфа"да яна ярим йил - бир йил ўйнаган бўлардим. Шунда у бор маҳоратини кўрсата олган бўларди. Барча мураббийлар унинг имкониятларини яхши билган бўларди. Шундан сўнг тантанали равишда катта жамоага ўтган бўларди. У эса бироз шошилди.

— Унга қўнғироқ қилиб, «Остон, ортга қайт», демайсизми?
— Афсуски, бу менинг ваколатимга кирмайди. Агар Ўрунов жамоамизга қайтса, бундан фақат хурсанд бўлардим. Бу ишни амалга ошириш қийин бўлади, деб қўрқаман.

— Нима учун?
— Остон, «Спартак» сафига ўтганидан кейин нархи қиммат футболчига айланди. Бундай ўйинларни бизнинг бюджет кўтармайди. Биз эса янги Ўруновларни қидиришда давом этамиз.