"Манчестер Сити" бош мураббийи Роберто Манчини Англия Чемпионатининг 20-тур доирасидаги "Ливерпул" устидан қозонилган 3:0 ҳисобидаги йирик ғалабадан ғалабадан сўнг ўйин ҳақидаги фикрлари билан ўртоқлашди.
"Мартин Шкртел ЯЯ Турега нисбатан қўполлик ишлатган вазиятда ҳакамга сариқ карточка бериши кераклигини англатувчи ишоралар қилганим учун узр сўрайман. Нима қилган бўлсам қилдим. Лекин мен ўша ҳолатда ҳакам қароридан жуда жахлим чиққанди. Баъзида ўйин вақтида шундай нарсалар қиласизки, кейинчалик пушаймон бўласиз. Мен ўша вазиятда ҳакам қарорига қўшила олмагандим, ҳолос".
"Биз учун ҳар бир ўйинни ғалаба билан якунлаш жуда муҳим. Чемпион бўлмоқчи бўлсак "Ливерпул", "Ман. Юнайтед" ва "Тоттенхэм"лар билан ўзаро ўйинларда ғалаба қозонишимиз шарт".
"Ўйлайманки биринчи бўлимда биз яхши ўйин кўрсатдиҳк. Иккинчи бўлимда бироз чарчаб қолдик. Шуни ҳам унутмаслик лозимки, "Ливерпул" жуда кучли жамоа. Аммо бу ўйинда биз ғалабага муносиброқ эдик", — деди Манчини.
