“Қўқон-1912” жамоасининг собиқ легионер футболчилари, ҳимоячи Милош Николич ҳамда дарвозабон Боян Кнежевичлар билан муаммо юзага келганлиги сабабли ФИФА жамоамизга хорижлик футболчилар ва мураббийлар трансфери борасида таъқиқ қўйган эди.
Жамоамиз кеча юқоридаги номлари келтирилган футболчилар билан ўртадаги муаммони ҳал қилди. Футболчиларга белгиланган сўммалар тўлаб берилди. Ҳалқаро футбол ташкилоти уч кун муддат ичида жамоамиз фойдасига қарор чиқариб беришини маълум қилди.
“Қўқон-1912” жамоаси энди ФИФАдан таъқиқ бекор қилинганлиги ҳақидаги расмий жавобни кутмоқда. Эслатиб ўтамиз Боян Кнежевич ҳамда Милош Николичлар 2019 йилги футбол мавсумида, қисқа муддат жамоамиз шарафини ҳимоя қилишган эди.
