Осиё чемпионлар лигаси мусобақаси янги босқичга қадам ташламоқда. Жорий мавсумдан бошлаб гуруҳ босқичида 40та клуб иштирок этадиган бўлди. Анъанага кўра, ОФК Шарқий ва Ғарбий Осиёга тенг миқдорда ўрин ажратди — 20тадан.

Ҳар бир минтақада 5тадан, жами 10та гуруҳ ташкил этилади. Гуруҳ ғолиблари кейинги босқичга йўл олади. Ҳар бир минтақада иккинчи ўринни эгаллаган жамоалар орасида энг яхши рейтингга эга бўлган 3тадан клуб нимчорак финалга чиқади.

Гуруҳ босқичига қуръа ташлаш маросими 27 январь куни бўлиб ўтади. ОФК қуръа олдидан жамоаларни саватчаларга ажратди.

Ғарб минтақаси (А-Е гуруҳлар)
 1-саватча:

"Дуҳайл" (Қатар)
"Ал-Ҳилол" (Саудия Арабистони)
"Персеполис" (Эрон)
"Шаржа" (БАА)
"Ас-Садд" (Қатар);

2-саватча:

"Ан-Насср" (Саудия Арабистони)
"Трактор" (Эрон)
"Шабаб Ал-Аҳли" (БАА)
"Ар-Райян" (Қатар)
"Ал-Аҳли" (Саудия Арабистони)

3-саватча:

"Пахтакор" (Ўзбекистон)
"Виҳдат" (Иордания)
"Гоа" (Ҳиндистон)
"Истиклол" (Тожикистон)
"Истиқлол" (Эрон)

4-саватча:

"Аш-Шорта" (Ироқ)
"Ал-Ғарафа" (Қатар) - АГМК (Ўзбекистон) учрашуви ғолиби
"Ал-Виҳда" (Саудия Арабистони) - "Ал-Қува ал-Жавия" (Ироқ) учрашуви ғолиби
"Фулад" (Эрон) - "Ал-Айн" (БАА) учрашуви ғолиби
"Ал-Ваҳда" (БАА) - "Аз-Завра" (Ироқ) учрашуви ғолиби

Бир мамлакат вакиллари бир гуруҳдан ўрин олмайди.

Гуруҳ босқичи Ғарб минтақасида 14-30 апрель кунлари, Шарқ минтақасида эса  21 апрель - 7 май марказлашган ҳолда ўтказилади.

Плей-офф босқичи ўйинлари тақвими қуйидагича кўриниш олди:

Нимчорак финал (битта ўйин) — 13-14 сентябрь (Ғарб) ва 14-15 сентябрь (Шарқ);

Чорак финал (битта ўйин) — 27-28 сентябрь (Ғарб) ва 28-29 сентябрь (Шарқ);

Ярим финал (иккита ўйин) — 19 ва 26 октябрь (Ғарб), 20 ва 27 октябрь (Шарқ);

Финал (иккита ўйин) — 21 ва 27 ноябрь.