Колумбиялик форвард, ҳозирда Туркиянинг «Галатасарай» клубида тўп сураётган Радамель Фалькао хизматларига АҚШнинг бир қатор номдор жамоалари қизиқиш билдирмоқда.

АS маълумотига кўра, 34 ёшли футболчи қишда жамоани тарк этишга яқин. Буни «Галатасарай» президенти Мустафa Женгиз таъкидлаб ўтди. У клубга манфаатли таклиф тушадиган бўлса Радамелни қўйиб юборишига тайёр эканлигини яширмади.

Ҳозирча Фалкао хизматларига MLSнинг «Нэшвилл» ҳамда "Портленд Тимберс" жамоалари қизиқмоқда.

Ҳозирда футболчи турк клубида йилига 5 миллион евро маош олади. У жорий мавсум жамоаси сафида 16 та ўйинда майдонга тушиб рақиблари дарвозасини 10 марта ишғол қилган.