Opta нашри Италия чемпионатининг жорий мавсумдаги рамзий жамоасини тузиб чиқди.

Ундан «Интер»нинг тўрт, «Милан» ва «Ювентус»нинг икки нафардан ўйинчилари жой олишди. Шунингдек, «Аталанта», «Верона» ва «Удинезе»нинг бир нафар футболчиларига рамзий жамоадан жой ажратилди.

Мавсум тўпурари Криштиану Роналду рамзий жамоадан ўрин олган бўлса, тўпурарлар пойгасида иккинчи ва учинчи ўринларда бораётган Чиро Иммобиле («Лацио») ва Златан Ибраҳимович («Милан») бу жамоага киритилмади.

А серия-2020/2021 рамзий жамоаси:

Дарвозабон: Марко Сильвестри («Верона»).

Ҳимоячилар: Данило («Ювентус»), Стефан де Врей, Милан Шкриньяр (иккиси — «Интер»), Тео Эрнандес («Милан»).

Ярим ҳимоячилар: Марсело Брозович («Интер»), Франк Кесси («Милан»), Родриго Де Пауль («Удинезе»).

Ҳужумчилар: Криштиану Роналду («Ювентус»), Луис Муриэль («Аталанта»), Ромелу Лукаку («Интер»).