Каталониянинг «Барселона» ҳужумчиси Лионель Месси Испания Кубогининг 1/8 финал доирасида «Райо Вальекано» жамоасига қарши ўйинда асосий таркибда майдонга тушди.
Аргентиналик футболчи «кўк-анорранглилар» таркибида Испания Кубоги ўйинларидан майдонга тушиш борасида рекорд ўрнатди. Месси бугун Кубок доирасидаги 76-учрашувини ўтказмоқда.
33 ёшли футболчи Жозеп Самитьер (75 та ўйин) рекордини ортда қолдирди. Самитьердан кейинги ўринларда Иньеста (73 ўйин), Висенте Пьера (71) ва Хави (70)лар бормоқда.
