Лондоннинг «Челси» устози Томас Тухель АПЛ доирасида «Вулверхэмптон» клубига қарши ўйинда қайд этилган дуранг ҳақидаги фикрлари билан ўртоқлашди.

«Ўйин менга жуда ёқди, чунки, жамоанинг шиддати, муносабати, кучи ва савиясидан жуда хурсандман. Биз жуда тартибли ҳаракат қилдик, майдоннинг учдан бир қисмида тўпни эгаллаб олдик.

Иккинчи бўлимда дақиқадан дақиқага кучайиб боравердик. Кўрсатган ўйинимиздан жуда мамнунман. Афсуски, гол кирита олмадик, лекин, агар шундай ўйнашда давом этадиган бўлсак, у ҳолда натижа албатта бўлади.

Бу менга Дортмунддаги ўйинимизни бироз эслатиб юборди. Кеча машғулотимиз ажойиб тарзда ўтганди. Биз синаб кўришимиз мумкин бўлган 21 нафар футболчи тактик тарафдан тизимли ўйинни қаерда тезлаштириш керак, қандай ҳимояланиш кераклиги борасида яхши ишлашганди. Битта машғулот ва иккита учрашувдан кейин бундай даражада бўлади деб ўйламагандим. Бу менга келажак учун яхши туйғу беради», – деди Тухель.