«Атлетико» Ла Лига 20-туридан ўрин олган 24 январь кунги баҳсда «Валенсия»ни мағлубиятга учратди (3:1).

Бу мадридликлар учун бош мураббий Диего Симеоне қўл остидаги 213-ғалаба бўлди. Бу борада аргентиналик мутахассис «Барселона» собиқ устози Эрнесто Вальверде билан тенглашиб олган ҳолда, Ла Лига тарихида энг кўп ғалаба қайд этган мураббийлар топ-5 лигидан ўрин олди.

Ла Лигада Фердинанд Даучик (234 ғалаба, «Барселона», «Атлетико»), Хавьер Ирурета (259, «Депортиво», «Сельта»), Мигел Мунёс (323, «Реал», «Севилья») ва Луис Арагонес (344, «Атлетико», «Барселона») Симеонедан кўпроқ ғалаба қайд этган.

Қайд этиш керак, Симеоне ғалабалар фоиз кўрсаткичи бўйича мазкур мураббийларни сезиларли даража ортда қолдирмоқда. У 62% ўйинда ғалаба қозонган. Мунёс – 53%, Даучик ва Вальверде – 48%, Арагонес – 45%, Ирурета – 42%.

«Атлетико» 47 очко билан якка пешқадам бўлиб турибди ва энг яқин таъқибчи «Реал»ни 7 очкога ортда қолдирмоқда, бундан ташқари «матрасчилар» битта захира ўйинига эга.