«Милан» ярим ҳимоячиси Ҳоқон Чолҳонўғли коронавирусга топширган тест манфий натижа берди.
«Мен қайтдим», — дея ёзди Чолҳонўғли Инстаграм орқали.
Эслатиб ўтамиз, туркиялик футболчи 17 январь куни COVID-19га чалинган эди. У билан биргаликда Тео Эрнандес ҳам вирус юқтирганди. Чолҳонўғли энди машғулотларга қайтишдан олдин тегишли тиббий кўрикдан ўтади.
«Милан» 30 январь куни сафарда «Болонья»га қарши баҳс олиб боради. 26 ёшли Ҳоқон А серия доирасида 17та ўйинда майдонга тушиб, 1та гол урди ва 6та голга ассистентлик қилди.