Хитойнинг "Mailman Group" спорт агентлиги тадқиқот ўтказиб, мамлакатдаги энг оммабоп чемпионат, клуб ва футболчилар рейтингини эълон қилди. Рейтинг Weibo ва Douyin ижтимоий тармоқларидаги обуначилар сонидан келиб чиқиб тузилди.

Энг оммабоп лига
Англия премьер-лигаси биринчи поғонани эгаллаган бўлса, Испания Ла лигаси ва Бундеслига иккинчи ва учинчи ўринларни банд этишди. Лига 1 ва А серия кучли бешликка кирди.

Энг оммабоп клуб
«Барселона» Хитойдаги энг оммабоп клуб деб топилди. Иккинчи поғонани «Реал» эгаллаган бўлса, «Челси» кучли учликка кирди. Шунингдек, топ-5дан «Бавария» ва «Ливерпуль» клублари ўрин олишди.

Энг оммабоп футболчи
«Ювентус» ҳужумчиси Криштиану Роналду хитойлик мухлислар ўртасида энг оммабоп футболчи деб топилди. «ПСЖ» форварди Неймар иккинчи ўринни банд этган бўлса, «Барселона» ҳужумчиси Лионель Месси кучли учликка кирди.