Бугун ПФЛда Олий лигамизнинг яқинлашиб келаётган мавсуми учун қуръа ташлаш маросими бўлиб ўтади.

14та жамоа иштирок этиши белгилаб қўйилган 2012 йилги мавсумга бўлган қизиқиш анча катта. Ўтган мавсумни бир текис ўтказа олмаган Ғузорнинг "Шўртан" клуби ва биринчи лигадан элитага қадам қўйган Тошкентнинг "Локомотив" клуби амалдаги уч етакчига ҳақиқий бош оғриғи бўлиши турган гап. Буларни инобатга оладиган бўлсак, халқаро майдонга қайтган Фарғонанинг "Нефтчи" клуби жорий мавсумда кучли тўртликка ҳам кириши даргумон бўлиб қолади.

2010 йил бўлгани каби, илк турдаёқ пойтахт дербисига гувоҳ бўлишимиз ёки кучли жамоаларнинг ўзаро тўқнашуви билан мавсум бошлаб берилиши мумкин. Воқеалар ривожини биз билан кузатиб боринг.