Айни пайтда ПФЛда янги мавсумга қуръа ташлаш маросими давом этмоқда. ПФЛ бош директори Фарход Магомедов қуйидагиларни маълум қилди.
“Регламентда, легионерларнинг сонидан бошқа пунктлар бўйича жиддий ўзгаришлар бўлгани йўқ. Фақат Тартиб-интизом кодексида жарималар миқдори оширилди. Биз, шунингдек, тартибни сақлаш қоидаларига амал қилмаган жамоа ишқибозларига ҳам жарима чораларини кўрамиз. Шунинг учун, ҳурматли клуб раҳбарлари, ўз жамоангиз фан-клублари билан ҳам иш олиб боришингиз керак. Бизга хориж мамлакатларидаги каби ишқибозлар иштирокидаги салбий ҳодисалар керак эмас”, деди Магомедов.
“Легионер дарвозабонлар масаласи ҳали аниқ эмас. Бу масала бўйича қабул қилинган якуний қарорни 25 январь куни маълум қиламиз. Стадионларнинг ҳолати ҳақида тўхталадиган бўлсам, 20 январь куни барча стадионларнинг раҳбарлари иштирокида йиғилиш бўлиб ўтади. Мен ҳозирдан айтиб қўяй, агар ўз стадионингиз мавсумга тайёр бўлмаса, ўтган йилдаги каби Косонсой ёки Вобкентда ўтказа олмайсиз, бошқа, бетараф бир майдон танлайсиз. Барча учрашувлар сифатли майдонларда бўлиб ўтиши керак”, деди Фарҳод Магомедов.
