Ҳамюртимиз Элдор Шомуродов тўп сураётган «Женоа» ҳужумчиси Маттиа Дестро А Серияда январь ойининг энг яхши футболчиси деб топилди. Бу ҳақда Италия футболчилар ассоциацияси расмий сайти хабар тарқатмоқда.
Италиянинг учта лигаси вакиллари ойнинг энг яхши футболчиларини танлайдилар.
Январь ойида Дестро А Серияда «Женоа»нинг бешта учрашувида майдонга тушиб, бешта гол киритди ва 29 ёшли ҳужумчи «Кротоне» (3:0) жамоасига қарши ўйинда дубль қайд этди.
20-турдан сўнг «Женоа» турнир жадвалининг 14-поғонасини банд этиб турибди.
